जगाचा पोशिंदा बळीराजा आज घडीला संकटात सापडला आहे. मागील सलग ३ - ४ वर्षापासूनच्या अवर्षणामुळे बळीराजा शेतकरी मोडकळीस आला असून त्याचं जगणं असह्य होत चाललेलं आहे.सततची नापिकी, पावसाच अत्यल्प प्रमाण यामुळे छत्रपती शिवरायांच्या कुळवाडी राज्यात शेतकऱ्यांची प्रचंड प्रमाणात दयनीयता चालू आहे. अशा वेळी शेतकऱ्यांच्या डोळ्यातील आसवं पुसून त्यांच्या ऱ्हदयात जगण्याविषयीचा अंकुर फुलविण्यासाठी व त्या बळीराजाच्या जगण्याला बळ देण्यासाठी राष्ट्रीय नेते, मा.खा. शरदचंद्रजी पवार साहेब व माजी उपमुख्यमंत्री मा.आ.अजितदादा पवार साहेब यांच्या मार्गदर्शनातून उगम पावलेली सदभावना यात्रा काढण्याचा संकल्प केलाय.
आजघडीला एकीकडे महाराष्ट्रातील ग्रामीण भागातील शेतकऱ्यांची परिस्थिती बघितल्यास अतिशय बिकट आणि र्ह्द्यद्रावक आहे. दुष्काळामुळे पिकाचे योग्य उत्पादन न झाल्यामुळे धान्य टंचाई, पाऊस कमी पडल्यामुळे पाणी टंचाई निर्माण झाल्याचे चित्र सध्या महाराष्ट्रभर दिसत आहे. गोठ्यातील गाई - म्हशी चाऱ्या, पाणी वाचून हंबरड्याचा टाहो फोडतांना दिसत आहेत. आणि या सगळ्या आक्रोशापुढे बळीराजा आतून पुरता कोलमडला आहे. तर दुसरीकडे त्याच महाराष्ट्रात छमछ्मचा झगमगाट आणि मेक इन च्या नावाखाली कोट्यावधी रुपयांचा खर्च उधळल्याचे अमानवी चित्र दिसते. अशावेळी बळीराजाच्या जगण्याला उमेद देण्यासाठी सत्ताधारी राज्यकर्त्यांनी पुढाकार घेणे आवश्यक होते, पण सत्ताधाऱ्यांचे नेते केंद्रीय कृषिमंत्री मात्र शेतकरी प्रेमभंगामुळे आत्महत्या करत आहेत, तर खासदार गोपाल शेट्टी यांच्यासारखे भाजप नेते शेतकरी आत्महत्या हि Fashion बनत चाललेली आहे, तर राज्यातील सत्ताधारी पक्षाचे नेते एकनाथराव खडसे शेतकऱ्यांना मोबाईल चे बिल भरायला पैसे आहेत मग वीज बिल भरायला काय अडचण असे वेदनादायक वक्तव्य करून अकलेचे तारे तोडत आहे. खरं तर यातून राज्यकर्त्यांचा नाकर्तेपणा व विकासाच्या दृष्टीची उणीव दिसून येते. निसर्गासोबतच विद्यमान सरकारच्या कार्यप्रणालीच्या धोरणातच दुष्काळ आढळून येतो.
राज्यात राष्ट्रवादी काँग्रेस व काँग्रेस पक्षाच्या आघाडीचे सरकार कार्यरत असतांना दुष्काळाचा सामना कसा करावा याचे उत्कृष्ट कौशल्य देशाचे नेते, मा.शरदचंद्रजी पवार साहेब व माजी उपमुख्यमंत्री मा.आ.अजितदादा पवार साहेब यांच्या मार्गदर्शनाखाली चालणाऱ्या आघाडी सरकारने दाखविले होते. त्यावेळी राष्ट्रवादी युवक काँग्रेस चा प्रदेशाध्यक्ष या नात्याने दुष्काळग्रस्त सहायता अभियान महाराष्ट्रभर राबवून शेतकऱ्यांना चारा, पाणी त्याचसोबत जगण्यासाठी मानसिक आधार देण्याचे कार्य या अभियानांतर्गत केले होते. आजघडीला विद्यमान सरकार शेतकऱ्यांच्या चारा छावण्या बंद करण्याचे कारस्थान करत आहे, पण आम्ही तत्कालीन दुष्काळी परिस्थितीत राष्ट्रवादी युवक काँग्रेसच्या वतीने दुष्काळग्रस्त सहायता अभियानांतर्गत ६००० टन चारा महाराष्ट्रातील गरजू शेतकऱ्यांना, चारा छावण्यांना वाटप करण्याचे काम केले होते.
नुसतेच चार देऊन भागात नसते किंवा दुष्काळाचे निवारण देखील होत नसते कारण दुष्काळ हा आजूबाजूच्या वातावरणा सोबतच मनात देखील पडलेला असतो. आणि हा मनातला दुष्काळ खऱ्या अर्थाने निसर्गाच्या दुष्काळापेक्षाही घातक ठरतो. म्हणून गावोगाव जाऊन शेतकऱ्यांची मन भरणी करून त्यांच्या मनाची मशागत करून त्यांना जगण्यासाठी उभे करण्याचे काम राष्ट्रवादी युवक च्या कार्यकर्त्यांनी केले होते.
विद्यमान पंतप्रधान व मुख्यमंत्री महोदयांसारखे बोलघेवडे असून चालत नाही तर त्यासोबत कर्तुत्वाची जोडही असणे गरजेचे असते.म्हणून चारा आणि मानसिक आधारासोबातच "जलकुंभदान" अभियानांतर्गत तब्बल ३५०० पाण्याच्या टाक्यांचे वाटप देखील अनेक गावांमध्ये करण्यात आले. आम्ही येथे थांबलो नाही, तर दिवसातल्या २४ तासांमध्ये कधीही कुठल्याही शेतकऱ्याला कुठल्याही प्रकारची अडचण आल्यास त्यांच्या तक्रार निवारणासाठी टोल फ्री हेल्पलाईन चालू करून शेतकऱ्यांची लाइफलाईन दुरुस्त करण्याचा प्रयत्न केला.या हेल्पलाईन अंतर्गत जवळपास एक ते दीड हजार गावांमध्ये जेथे पाण्याचे टंकर्स सुरु नव्हते तेथे प्रशानसनाकडे पाठपुरावा करून आम्ही ते सुरु केले.
नेता सकारात्मक दृष्टीचा असेल तर कार्यकर्त्यांना देखील रचनात्मक कार्य करण्याची प्रेरणा मिळते आणि असाच पायंडा शेतकऱ्यांचे जाणते राजे आदरणीय शरदचंद्रजी पवार साहेब यांच्या विचार आणि कृतीतून निर्मित Rashtrvadi Charitable Trust च्या वतीने दुष्काळग्रस्त भागातील तब्बल ५० हजार विद्यार्थ्यांना प्रत्येकी २००० रु.देऊन त्यांना आर्थिक सहाय्य करण्याचे प्रयत्न राष्ट्रवादी काँग्रेस पक्षाच्या वतीने करण्यात आला.
सध्याचे सरकार असंवेदनशील झाल्यामुळे त्यांना त्यांनी दिलेल्या निवडणुकीपूर्वीच्या आश्वासनांची जाणीव करून देण्यासाठी आणि शेतकऱ्यांसंदर्भात धोरण राबविण्यासाठी देखील राष्ट्रवादी युवक काँग्रेसचा प्रदेशाध्यक्ष या नात्याने दुष्काळग्रस्त सहायता आंदोलन राज्याच्या प्रत्येक दुष्काळग्रस्त जिल्ह्यात जाऊन रस्ता रोको करण्यात आला. रस्त्यावर आंदोलन करतांनाच विधिमंडळात देखील राष्ट्रवादी काँग्रेस पक्षाचे विधिमंडळ पक्षनेते, माजी उपमुख्यमंत्री आदरणीय अजितदादा पवार साहेब, प्रदेशाध्यक्ष मा.आ.सुनीलजी तटकरे साहेब, विधानसभेतील गटनेते मा.आ.जयंत पाटील साहेब, विधान परिषदेतील विरोधी पक्षनेते मा.ना.धनंजय मुंडे साहेब यांच्यासह राष्ट्रवादीच्या सर्व आमदारांनी शेतकर्यांची कर्जमाफी, वीजबिल माफी शेतकऱ्यांच्या पिकाला भाव अशा विविध मागण्यांकरिता विधिमंडळ हादरवून सोडले.
पण राज्य सरकार गेंड्याच्या चांदीचे असल्यासारखे वागत आहे. हे सरकार सुटाबुटातील तसेच भटजी - शेटजी यांचे असल्यामुळे यांना शेतकर्यांविषयी कळवला नाही. तसेच ज्यांनी कधी शेतकर्यांविषयी कळवळा नाही.तसेच ज्यांनी कधी शेती पहिली नाही, शेती केली नाही, ज्यांना शेतकऱ्यांच्या भावना कळत नाही असे व्यक्ती राज्याच्या मुख्यमंत्री पदावर बसलेले असतांना त्यांच्याकडून काय अपेक्षा ठेवणार ?
वयाची पंच्चात्तरी झाल्यानंतर देखील शेतकऱ्यांचे आधारस्तंभ मानले जाणारे मा.शरदचंद्रजी पवार साहेब हे शेतकऱ्यांसाठी धावून, राज्यभर दौरे करतात, शेतकऱ्यांच्या समस्या समजावून घेतात व त्या अनुषंगाने आदरणीय साहेबांनी अमृतमहोत्सवी वर्षानिमित्त पुणे येथील रेस कोर्स मैदानातील 'न भूतो, न भविष्यती' अशा "कृतज्ञता सोहळ्यात" आम्हा कार्यकर्त्यांना मार्गदर्शन करतांना यानंतर वाढदिवसाचे सत्कार समारंभ टाळून पुढील ६ महिने पिडीत शेतकऱ्यांचे अश्रू पुसण्याचे काम कार्यकर्त्यांनी करावे असे आवाहन करतात. म्हणून साहेबांच्या आवाहनाला सार्थ मानून मी माझा ३६ वा वाढदिवस साजरा न करता "सदभावना यात्रेच्या "माध्यमातून महाराष्ट्रातील ३६ आत्महत्याग्रस्त शेतकरी कुटुंबांना प्रत्येकी १०,०००/- रुपयांची मदत करण्याचा निर्धार केला.
खरं तर हे मदत किंवा दान नव्हे हे शेतकरी पुत्र या नात्याने आमचे कर्तव्य समजून सदर "सदभावना यात्रेचा प्रारंभ दि.७ मार्च पासून आदरणीय अजितदादा पवार व सौ.सुनेत्रा अजित पवार यांच्या हस्ते टिळक स्मारक मंदिर, पुणे येथे सकाळी १०.३० वाजता करणार आहे. हि सदभावना यात्रा फक्त एक सोह्ळ्यापुरती मर्यादित राहणार नसून मा.शरदचंद्रजी पवार साहेब यांच्या ७५ व्या वाढदिवसानिमित्त ७५० व मा.अजितदादा पवार यांच्या ५६ व्या वाढदिवसानिमित्त ५६० अशा एकूण १३१० आत्म्ह्त्य्ग्रस्त शेतकरी कुटुंबियांना प्रत्येकी १०,०००/- रुपये मदत म्हणून करणार आहे.राष्ट्रवादी काँग्रेस पक्षाची सदभावना यात्रा राज्यातील प्रत्येक आत्म्ह्त्य्ग्रस्त तालुक्यामध्ये जाणार आहे. या यात्रेच्या निमित्ताने कविवर्य ज्ञानेश वाकुडकर यांच्या कवितेने शेतकरी बांधवांना आवाहन करतो.
" घोर जीवाला लावू नका,
पाठ जगाला दाऊ नका,
आम्ही तुमच्याच साठी आहो ना बाबा
तुम्ही जहर खाऊ नका. "
उमेश पाटील
संयोजक, सदभावना यात्रा
सरचिटणीस तथा प्रवक्ता
सरचिटणीस तथा प्रवक्ता
राष्ट्रवादी काँग्रेस पार्टी,
महाराष्ट्र प्रदेश
मो.९८८१७४०९५०
No comments:
Post a Comment